Lôn Geltaidd
Gan groesi Cymru yn ei man mwyaf llydan, mae’r Lôn Geltaidd yn mynd drwy Dyddewi, Parc Cenedlaethol trawiadol Arfordir Penfro, cestyll dramatig Hwlffordd, Penfro a Chydweli, Parc Arfordirol y Mileniwm yn Llanelli ac ehangder Bae Abertawe. Yma mae gennych ddewis i naill ai ddringo bron i 200 troedfedd ar lwybr uchel drwy goedwigoedd enfawr sy’n gorchuddio’r bryniau rhwng Castell-nedd a Phontypridd neu ddilyn y llwybr isel sy’n agosach i’r arfordir drwy Barc Gwledig Par Margan a Gwarchodfa Natur Parc Slip, i’r gogledd o Ben-y-bont ar Ogwr.
Am gyfnod byr mae’r Lôn Geltaidd a Lôn Las Cymru yn rhedeg yn gyfochrog rhwng Pontypridd ac Abercynon. Mae gwaith adfywio rhagorol wedi creu llwybr gwych, ac un sy’n bennaf ddi-draffig o Drelewis, i’r gogledd o Abercynon, drwy hyfrydwch coediog Parc Gwledig Cwm Sirhywi ac ar hyd llwybr tynnu Camlas Sir Fynwy ac Aberhonddu i mewn i ganol Casnewydd. Bydd taith uchel ysblennydd ar y Bont Gludo yn mynd â chi i lan dwyreiniol afon Wysg, gan adael ond ychydig o filltiroedd o feicio hawdd i gyrraedd Cas-gwent ac un o’r cestyll gorau ym Mhrydain.
Adrannau dyddiol
Gellir torri’r llwybr yn gymalau, gyda’r rhan fwyaf tua 25-40 milltir o hyd. Efallai y byddwch am gyfateb y cymalau hyn gyda thaith bob dydd, ond cofiwch mai dim ond awgrym yw hyn: efallai y byddwch yn dewis gwneud mwy nag un cymal y dydd neu efallai y byddai’n well gennych wneud hanner diwrnod a chymryd seibiant er mwyn ymweld â rhai o’r atyniadau ar hyd y ffordd. Mae’r cymalau yn cychwyn ac yn gorffen mewn trefi lle y bydd dewis rhesymol o lety a lluniaeth.
Mae’n well beicio’r llwybr o’r gorllewin i’r dwyrain er mwyn gwneud defnydd da o’r gwyntoedd gorllewinol y tu cefn i chi. Ar wahân i’r darn cyntaf, o Abergwaun i Dyddewi, pan fyddwch yn teithio i’r gorllewin a bydd y gwynt yn debygol o fod yn eich wyneb, dylai’r gwyntoedd ar y cyfan eich cynorthwyo wrth i chi deithio i’r dwyrain tuag ar Gas-gwent.
Cymal 1: Abergwaun* i Broad Haven (36 milltir).
Cymal 2: Broad Haven i Lacharn (46 milltir).
Cymal 3: Lacharn i Gydweli (32 milltir).
Cymal 4: Cydweli i Abertawe (Mwmbwls) (29 milltir).
Cymal 5: Abertawe i Bontypridd ar Lwybr Uchel (40 milltir).
Cymal 5A: Abertawe i Bontypridd ar Lwybr Isel (40 milltir).
Cymal 6: Pontypridd (Mynwent y Crynwyr) i Gas-gwent (44 milltir).
* Dim ond un trên y dydd sydd i Abergwaun, yn cyrraedd tua 1330 awr, felly efallai y byddwch ond am fynd cyn belled â Thyddewi (18 milltir)
Atyniadau naturiol:
- Arfordir Sir Benfro
- Parc Arfordirol y Mileniwm Llanelli
- Gwarchodfa Natur Parc Slip
Atyniadau i ymwelwyr:
- Eglwys Gadeiriol Tyddewi
- Castell Penfro
- Lacharn gyda chysylltiadau Dylan Thomas
- Castell Cydweli
- Gwaith Haearn Tondu
Cynigwyd y llwybr gan: Sustrans
Tagiau
Map o'r Llwybr
View Larger Map
Sylwadau (0)
Manylion allweddol y llwybr
- Rhanbarth/Ardal:
De Cymru
- Pellter:
220 milltir
- Amser sydd ei angen:
5-7 diwrnod
- Dosbarthiad:
- Wyneb:
Cymysg
- Llwybr RhBC:
Llwybrau Cenedlaethol 4 a 47
- Cychwyn:
Abergwaun
- Gorffen:
Cas-gwent
- Mynediad:
Gorsafoedd trên yn Abergwaun a Chas-gwent a sawl gorsaf rhyngddynt.
- Mapiau a llysrynnau:
-
Map Lôn Geltaidd Dwyrain NN4B £6.99
Map Lôn Geltaidd Gorllewin NN4C £6.99
Arweinlyfr Lôn Geltaidd – £6.99
Taflen Lôn Geltaidd – Pdf am ddim
- Cysylltiadau Gyda:
Lôn Teifi yn Abergwaun
Lôn Las Cymru ger Pontypridd
Dewis llwybr arall
